04.04.2019
Кліматычная характарыстыка сакавіка 2019 года
Сакавік 2019 года быў цёплым, сярэдняя тэмпература паветра за месяц склала +3,4°С, што вышэй за кліматычную норму на 3,2°С. Так цёпла ў сакавіку па тэрыторыі краіны бывае прыкладна адзін раз у 10-13 гадоў. Станоўчая анамалія распаўсюдзілася паўсюдна практычна раўнамерна (ад 3,0 да 3,2°С).
Адхіленне сярэдняй месячнай тэмпературы паветра сакавіка
ад кліматычнай нормы па Рэспубліцы Беларусь
Сярэдняя тэмпература паветра на працягу месяца была пераважна станоўчай, за выключэннем першай яго паловы, калі яна апускалася да слаба адмоўных значэнняў, а ў самыя халодныя суткі ў пачатку месяца да -5°С і ніжэй. Так мінімум тэмпературы паветра быў адзначаны 2 сакавіка на станцыі Езярышча (-13,5°С). Максімальная тэмпература паветра за месяц была зарэгістравана 31 сакавіка ў Брагіне і склала +18,8°С.
Усе дэкады месяца былі цёплымі, але самай цёплай адносна дэкаднай кліматычнай нормы была першая дэкада, калі сярэдняя тэмпература паветра была на 4,2°С вышэй за норму. У другой і трэцяй дэкадах адхіленне сярэдняй тэмпературы паветра ад кліматычнай нормы склала 2,7°С і 2,6°С адпаведна.
Сярэдняя тэмпература паветра і кліматычная норма
па дэкадах сакавіка 2019 года па Рэспубліцы Беларусь
У сярэднім па Беларусі за сакавік выпала 36,3 мм ападкаў, што склала 93% кліматычнай нормы. Больш за ўсё ападкаў выпала на тэрыторыі Гродзенскай вобласці – у сярэднім па вобласці 45,3 мм або 113% кліматычнай нормы. Менш за ўсё ападкаў выпала на тэрыторыі Гомельскай вобласці - у сярэднім па вобласці 31,6 мм, што складае 83% кліматычнай нормы.
Колькасць ападкаў за сакавік 2019 года і кліматычная норма
па абласцях і па тэрыторыі Рэспублікі Беларусь
Ападкі на працягу месяца па Беларусі распаўсюджваліся нераўнамерна. Першая і другая дэкады былі вільготнымі, на працягу якіх выпала 133% і 122% кліматычнай нормы ападкаў адпаведна. У трэцяй дэкадзе адзначаўся недабор ападкаў-29% нормы.
Колькасць ападкаў па дэкадах у сакавіку 2018 года і кліматычная норма
па Рэспубліцы Беларусь
Снежны полаг назіраўся месцамі пераважна ў першай палове месяца. У другой палове пад уплывам цёплага надвор'я ён паўсюдна разбурыўся, за выключэннем асобных сутак, калі ў сувязі з паніжэннем тэмпературы паветра і выпадзеннем ападкаў у выглядзе снегу ён усталёўваўся на непрацяглы час у некаторых раёнах краіны. У асобныя дні сакавіка месцамі адзначалася ўзмацненне ветру парывамі да 20-25 м/с, максімальная хуткасць якога (25 м/с) зарэгістравана 22 сакавіка ў Горках. У асобных раёнах назіраліся туманы і галалёдна-шэраневыя з'явы.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання