09.01.2020
Кліматычная характарыстыка снежня 2019 года
Тэмпература паветра за снежань 2019 года ў сярэднім па рэспубліцы склала +1,9°С, што вышэй за кліматычную норму на 5,2°С. У ранжыраваным шэрагу ад самага цёплага да самага халоднага снежань 2019 года заняў 2 месца пасля снежня 2006 года. З 10 самых цёплых першых зімовых месяцаў 5 прыпадае на перыяд 2010-2019 годы.Адхіленне сярэдняй тэмпературы паветра снежня
ад кліматычнай нормы па тэрыторыі Беларусі
Станоўчая анамалія тэмпературы паветра распаўсюдзілася па ўсёй тэрыторыі рэспублікі, дасягнуўшы найбольшых значэнняў у Магілёўскай вобласці (у сярэднім па вобласці 5,6°С), а найменшых – у Брэсцкай вобласці (у сярэднім па вобласці 4,5°С).
У дзённыя гадзіны тэмпература паветра была пераважна станоўчай. Максімальнага значэння (+12,8°С) тэмпература паветра дасягнула 18 снежня на станцыі Драгічын. У асобныя суткі былі перавышаны тэмпературныя рэкорды дня, а гістарычныя абсалютныя максімумы месяца засталіся ранейшымі.
Начныя тэмпературы паветра знаходзіліся ў межах ад -7 да +3°С, а ў самыя цёплыя ночы падымаліся да +4..+8°С. Мінімальнае значэнне тэмпературы паветра (-8,6°С) зарэгістравана на станцыі горкі 2 снежня.
Усе тры дэкады месяца былі цёплымі, асабліва трэцяя дэкада, сярэдняя тэмпература паветра якой апынулася вышэй за кліматычную норму на 6,5°С. Такая цёплая трэцяя дэкада снежня на тэрыторыі Беларусі адзначаецца ўпершыню за апошнія 40 гадоў. У сувязі з анамальна цёплым надвор'ем у снежні ўстойлівы пераход сярэднясутачнай тэмпературы паветра праз 0°С у бок паніжэння пакуль не ажыццявіўся, г.зн. кліматычная зіма не наступіла.
Сярэдняя тэмпература паветра і кліматычная норма
па дэкадах снежня 2019 года па тэрыторыі Беларусі
У цэлым за месяц па Беларусі выпала 48,1 мм ападкаў або 107% снежаньскай кліматычнай нормы. Па тэрыторыі краіны ападкі распаўсюджваліся нераўнамерна. Больш за ўсё ападкаў выпала на тэрыторыі Віцебскай вобласці – 70 мм або 143% кліматычнай нормы. Менш за ўсё ападкаў назіралася на тэрыторыі Брэсцкай вобласці – 39,1 мм (89% кліматычнай нормы).
Колькасць ападкаў за снежань 2019 года і кліматычная норма
па абласцях і па тэрыторыі Беларусі
Ападкі выпадалі ў выглядзе дажджу, снегу і мокрага снегу. Снежны полаг на працягу месяца неаднаразова ўтвараўся і разбураўся. На апошні дзень месяца вышыня снежнага покрыва знаходзілася ў межах ад 0,1 см да 11 см.
У асобныя дні месяца назіраліся туманы, у перыяды пахаладанняў-галалёдна-шэразевыя з'явы (у Нарачы 31 снежня наліпанні мокрага снегу да 15 мм). На дарогах месцамі адзначалася галалёдзіца. На працягу месяца ў асобныя дні ўзмацняўся вецер парывамі да 15 м/с і вышэй, а максімальнае значэнне хуткасці ветру (21 м/с) зарэгістравана на станцыі Верхнядзвінск 18 снежня.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання