28.10.2019
Белгідрамет прыняў удзел у чарговым этапе глабальнай экалагічнай кампаніі «Уладкуем малую радзіму!»
На мінулым тыдні намаганнямі работнікаў Белгідрамета былі арганізаваны чарговыя этапы суботнікаў, якія праводзяцца ў рамках экалагічнай акцыі Міністэрства прыродных рэсурсаў і аховы навакольнага асяроддзя Рэспублікі Беларусь «Уладкуем малую радзіму!».
Так, 24 кастрычніка, працоўны дэсант Белгідрамета пры садзейнічанні УП «Зелянбуд Першамайскага раёна г.Мінска» правёў акцыю па навядзенні парадку на прыдваровай тэрыторыі, а таксама на азелянёным участку, прылеглым да будынка абсерваторыі з боку праспекта Незалежнасці.
Працавалі зладжана, дэманструючы тым самым годны пераймання прыклад карпаратыўнай этыкі і згуртаванасці калектыву. Стараннямі супрацоўнікаў быў наведзены парадак: сабрана апалае лісце і прыбрана смецце.
Чарговы этап акцыі ў межах экалагічнай кампаніі адбыўся ў мінулую суботу.
26 кастрычніка работнікі Белгідрамета, аб'яднаўшы намаганні з работнікамі Дзяржаўнай спецыялізаванай лесагаспадарчай установы «Бараўлянскі спецлясгас», высадзілі непадалёк ад вёскі Каралёў Стан Мінскага раёна каля 1500 соснаў і больш за 500 клёнаў.
Разам з усімі ў суботніку прынялі ўдзел як кіруючы склад, так і прадстаўнікі прафкама Белгідрамета.
Падтрымліваючы экалагічную акцыю, кожны з удзельнікаў дружнай каманды ўнёс свой пасільны ўклад у добраўпарадкаванне роднай зямлі.
Суботнік — выдатная магчымасць працягнуць добраўпарадкаванне родных мясцін. На сённяшні дзень ёсць упэўненасць, што мы ўсе разам зробім усё магчымае, каб наш агульны дом стаў прыгажэй і ўтульней.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання