27.11.2019
Прадстаўнікі Белгідрамета наведалі Чэшскую Рэспубліку
З 19 па 21 лістапада 2019 года адбыўся візіт прадстаўнікоў дзяржаўнай установы «Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя» і дзяржаўнай установы «Рэспубліканскі цэнтр аналітычнага кантролю ў галіне аховы навакольнага асяроддзя» у Чэшскую Рэспубліку (г.Прага і г.Усці-над-Лабем).
Візіт прайшоў у рамках рэалізацыі праекта «Падтрымка эфектыўнага маніторынгу выкідаў у атмасфернае паветра і радыяцыйнага маніторынгу, удасканаленне кіравання навакольным асяроддзем у Беларусі».
Асноўная задача гэтага праекта - аказанне садзейнічання Беларусі ва ўдасканаленні кіравання якасцю паветра і ажыццяўленне маніторынгу якасці паветра ў адпаведнасці з заканадаўствам Еўрапейскага Саюза.
Асноўная мэта візіту ў Чэшскую Рэспубліку складалася ў правядзенні азнаямленчай паездкі беларускіх спецыялістаў з мэтай вывучэння вопыту прыняцця, укаранення і забеспячэння выканання адпаведных нормаў Еўрапейскага Саюза, а таксама азнаямленне з перадавым вопытам у галіне паляпшэння якасці паветра, уключаючы маніторынг забруджвання паветра, кадастры выкідаў, распрацоўку сістэм рэгістрацыі і справаздачнасці выкідаў, кіраванне якасцю паветра і г.д.
Падчас візіту беларускія спецыялісты наведалі:
Міністэрства навакольнага асяроддзя Чэшскай Рэспублікі, дзе выступілі прадстаўнікі Дэпартамента аховы атмасфернага паветра і чэшскага агенцтва экалагічнай інфармацыі (CENIA);
Муніцыпалітэт горада Прага, дзе заслухалі даклад аб сітуацыі з забруджваннем паветра ў г.Прага, а таксама інфармацыю аб праграмах, планах і мерах, прынятых па паляпшэнню якасці паветра ў горадзе;
Чэшскі гідраметэаралагічны інстытут (г.Прага), уключаючы цэнтральную лабараторыю якасці атмасфернага паветра метэаралагічнай станцыі Лібуш, дзе былі прадстаўлены прэзентацыі пра ролю інстытута ў працэсе кіравання якасцю паветра;
Філіял Чэшскага гідраметэаралагічнага інстытута (г.Усці-над-Лабем), дзе наведалі лабараторыі па аналізе ПАУ і ТМ і станцыю па кантролі якасці паветра.
Гэты візіт будзе спрыяць рэалізацыі праекта «Падтрымка эфектыўнага маніторынгу выкідаў у атмасфернае паветра і радыяцыйнага маніторынгу, удасканаленне кіравання навакольным асяроддзем у Беларусі», у рамках якога аналагічнае абсталяванне будзе ўсталёўвацца ў гарадах Беларусі.
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання