БРЭСТАЛБГІДРАМЕТ

Ru Be En

Галоўная / Фiлiялы Белгiдрамета / БРЭСТАЛБГІДРАМЕТ / Навіны і падзеі

08.04.2026

Цыклон "Рапунцэль" у Брэсцкай вобласці

На мінулым тыдні адбыліся змены ў атмасферных працэсах, і перыяд сонечнага і ўстойлівага антыцыклональнага надвор'я ў Брэсцкай вобласці змяніўся пахаладаннем і ападкамі. Так, пачынаючы з 4-5 красавіка тэрыторыя Брэсцкай вобласці аказалася ва ўладзе цыкланічных віхур, франтальныя раздзелы ад якіх абумовілі не толькі ўзмацненне ветру, ападкі, першую ў бягучым сезоне навальніцу ў Брэсце (назіралася 06.04), але і забяспечылі паступленне ў наш рэгіён халоднага паветра са Скандынавіі. Брэсцкая вобласць аказалася пад уплывам цыкланічнай віхуры «Рапунцэль» з цэнтрам над поўначчу Еўропы.

06-07.04 паўсюдна па тэрыторыі Брэсцкай вобласці парывы ветру дасягнулі крытэрыяў неспрыяльнай гідраметэаралагічнай з'явы. Найбольшае значэнне - 21 м/с - назіралася на метэаралагічнай станцыі Пружаны і аўтаматычнай метэаралагічнай станцыі Кобрын 07.04.2026. На працягу дня надвор'е мянялася імкліва: яснае сонца, а затым - моцны вецер з ападкамі.

Карта максімальнай хуткасці ветра на ўзроўні 10 метраў
с 07.04.2026 09:00 по 08.04.2026 09:00

Але да канца тыдня скандынаўскі антыцыклон пачне выпраўляць сітуацыю: зменшыць колькасць ападкаў і аслабіць вецер.

Ужо заўтра 9 красавіка надвор'е па Брэсцкай вобласці будзе вызначаць вільготная і халаднаватая паветраная маса. Чакаецца воблачнае з праясненнямі надвор'е. Месцамі невялікія ападкі (дождж, мокры снег). Вецер паўночны, паўночна-ўсходні 5-10 м/с. Тэмпература паветра мінімальная ноччу -2, +3 ᵒС, максімальная днём 2 +7 ᵒС.
10.04 воблачна з праясненнямі. Уначы пераважна без ападкаў, раніцай і днём месцамі невялікія кароткачасовыя ападкі (у асноўным дождж). Вецер паўночнай чвэрці 4—9 м/с, месцамі парывы да 12 м/с. Тэмпература паветра ноччу -4, +1°С, днём +6+11°С.

11.04 воблачна, ноччу з праясненнямі. Уначы пераважна без ападкаў, раніцай і днём на большай частцы кароткачасовыя ападкі (у асноўным дождж). Уначы і раніцай у асобных раёнах слабыя туман і галалёд. вецер пераменных напрамкаў 4-9 м/с. Тэмпература паветра ноччу -4, +1 ᵒС, пры праясненнях да -6 ᵒС, днём +5 +10 ᵒС.

Пры выкарыстанні інфармацыі спасылацца на Філіял "Брэстаблгідамёт"