15.09.2022
33-я сесія МСГ СНД
14-15 верасня 2022 года пры дапамозе відэаканферэнцсувязі адбылася 33-я сесія Міждзяржаўнага савета па гідраметэаралогіі Садружнасці Незалежных Дзяржаў.
Традыцыйна ў сесіі прынялі ўдзел кіраўнікі нацыянальных гідраметэаралагічных служб дзяржаў-удзельніц Садружнасці Незалежных Дзяржаў, прадстаўнікі Сусветнай метэаралагічнай арганізацыі і Выканаўчага савета СНД.
У рабоце сесіі Рэспубліку Беларусь прадстаўлялі:
Аляксандр Бураў, дырэктар дэпартамента па супрацоўніцтву ў сферы бяспекі і процідзеяння новым выклікам і пагрозам Выканаўчага камітэта СНД;
Георгій Самсонаў, начальнік аддзела па супрацоўніцтву ў сферы папярэджання і ліквідацыі наступстваў надзвычайных сітуацый Дэпартамента па супрацоўніцтву ў сферы бяспекі і процідзеяння новым выклікам і пагрозам Выканаўчага камітэта СНД;
Тамара Гоманава, начальнік дзяржаўнай установы "Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя" (Белгідрамет);
Андрэй Карабчук, намеснік начальніка службы міжнароднага супрацоўніцтва і сувязяў з грамадскасцю Белгідрамета;
Паліна Пальчэх, вядучы інжынер службы экалагічнай інфармацыі Белгідрамета.
Адкрыў сесію Лявон Азізян, часова выконваючы абавязкі дырэктара ДНА "Цэнтр гідраметэаралогіі і маніторынгу" Міністэрства навакольнага асяроддзя Рэспублікі Арменія.
З вітальнай прамовай ад імя Сусветнай метэаралагічнай арганізацыі выступіла намеснік генеральнага сакратара СМА Алена Манаенкова.
Старшынствавала на 33-й сесіі МСГ СНД генеральны дырэктар рэспубліканскага дзяржаўнага прадпрыемства «Казгідрамет» Міністэрства экалогіі, геалогіі і прыродных рэсурсаў Рэспублікі Казахстан Данара Алімбаева.
У рамках сесіі прадстаўнікамі нацыянальных гідраметэаралагічных служб былі прадстаўлены даклады аб рабоце нацыянальных гідраметэаралагічных служб у міжсесійны перыяд, а таксама разгледжаны іншыя актуальныя пытанні па іх узаемадзеянні і развіццю.
Удзельнікі сесіі ад Белгідрамета выступілі з дакладамі:
"Аб дзейнасці Нацыянальнай гідраметэаралагічнай службы Рэспублікі Беларусь і яе ўзаемадзеянні ў рамках Садружнасці Незалежных Дзяржаў і Сусветнай метэаралагічнай арганізацыі»;
"Аб арганізацыі і правядзенні гідрабіялагічных назіранняў на водных аб'ектах краін-удзельніц МСГ СНД».
Па выніках сесіі прыняты рашэнні, якія вызначаюць далейшае ўзаемадзеянне нацыянальных гідраметэаралагічных служб дзяржаў-удзельніц СНД на бліжэйшую перспектыву (2022-2023 гады).
У адпаведнасці з дакументамі сесіі старшынёй МСГ СНД на чарговы перыяд прызначана Данара Алімбаева, генеральны дырэктар рэспубліканскага дзяржаўнага прадпрыемства «Казгідрамет» Міністэрства экалогіі, геалогіі і прыродных рэсурсаў Рэспублікі Казахстан.
Правядзенне чарговай 34-й сесіі МСГ СНД запланавана на 4 квартал 2023 года на тэрыторыі Рэспублікі Азербайджан.
Пры выкарыстанні інфармацыі спасылка на Белгідрамет абавязкова
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання