Па апошніх звестках назіранняў на большай частцы тэрыторыі Беларусі глеба адтаяла на поўную глыбіню. Толькі месцамі, пераважна на ўсходзе рэспублікі, у глебе захоўваецца мерзлая праслойка.

На лёгкіх глебах у Брэсцкай і Гомельскай, а таксама месцамі ў Мінскай і Гродзенскай абласцях верхні слой глебы папрасыхае да ўмерана вільготнага стану. На прасохлых участках стала магчыма правядзенне апрацоўкі глебы, закрыццё глебавай вільгаці. На астатняй тэрыторыі рэспублікі верхні слой глебы ў асноўным яшчэ пераўвільготнены. У многіх раёнах краіны, прыкладна на месяц раней за звычайныя тэрміны, адзначана аднаўленне вегетацыі азімых культур.

У бліжэйшы час чаканыя ападкі будуць увільгатняць глебу. У канцы бягучага тыдня з-за пахаладання тэмпература глебы панізіцца. Умовы для правядзення пасяўной і іншых агратэхнічных мерапрыемстваў пагоршацца.

Пры выкарыстанні інфармацыі спасылка на Белгідрамет абавязкова