Агляд аграметэаралагічнай сітуацыі на 28 красавіка 2026 года

Халоднае надвор'е стрымлівае развіццё сельскагаспадарчых культур і адрастанне шматгадовых траў. У мінулую ноч на большай тэрыторыі краіны адзначаліся замаразкі. Нізкія тэмпературы маглі выклікаць пашкоджанні раслін, у першую чаргу квітнеючых пладовых насаджэнняў.

У яравых збожжавых культур ідзе прарастанне насення, з'яўляюцца ўсходы, на ранніх пасевах у паўднёвай палове рэспублікі адзначаны трэці ліст. З-за паніжанага тэмпературнага рэжыму працягласць перыяду ад пасеву да ўсходаў месцамі павялічылася да двух тыдняў і больш.

Тэмпература глебы на глыбіні 10 см панізілася і складае ў асноўным + 6 + 8°С, у крайніх паўночных і ўсходніх раёнах +3 + 5°С.

У бліжэйшыя дні аграметэаралагічная абстаноўка не зменіцца, небяспека пашкоджання раслін ад начных замаразкаў захаваецца.

Пры выкарыстанні інфармацыі спасылка на Белгідрамет абавязкова.