Адхіленне сярэдняй тэмпературы паветра чэрвеня за перыяд 1991-2023 гг.

ад кліматычнай нормы (+17,0°C)

Па большай частцы тэрыторыі краіны адзначалася станоўчая анамалія тэмпературы паветра, якая знаходзілася ў асноўным у межах ад +0,1 да +1,5°С. па ўсходзе і крайнім паўночным усходзе краіны адзначалася адмоўная анамалія ад -0,1 да -0,5°С.

У абласным разрэзе найбольшыя значэнні станоўчых адхіленняў тэмпературы паветра ад кліматычнай нормы адзначаны ў Мінскай вобласці (+1,1°C), у Брэсцкай і Гомельскай абласцях адхіленні былі найменшымі (+0,2°C).

Адхіленне (°С) сярэдняй тэмпературы паветра чэрвеня

ад кліматычнай нормы па тэрыторыі Беларусі

Месяц пачаўся з халоднай першай дэкады з тэмпературай паветра на 0,8°С ніжэй за норму. Другая і трэцяя дэкады былі цёплымі са станоўчай анамаліяй роўнай 1,1 і 1,7°C адпаведна.

Сярэдняя тэмпература паветра і кліматычная норма

па дэкадах чэрвеня 2023 года па тэрыторыі Беларусі

Тэмпература паветра днём у большасці дзён месяца знаходзілася пераважна ў межах + 18 +30°C, а ў перыяды пахаладанняў, у асноўным у пачатку месяца, апускалася да +13+17°C. максімальнага значэння (+31,5°C) тэмпература паветра дасягнула 18 чэрвеня на станцыі Вілейка.

Тэмпература паветра ўначы пераважна знаходзілася ў межах +8+19°C, а ў самыя халодныя ночы ў першай дэкадзе месцамі апускалася да адмоўных значэнняў. Мінімальная тэмпература паветра адзначана на станцыі Палеская 4 чэрвеня і склала -1,1°С.

За месяц у сярэднім па рэспубліцы выпала 61,4 мм ападкаў, што склала 85% кліматычнай нормы. Па тэрыторыі краіны ападкі распаўсюджваліся нераўнамерна. Па большай частцы рэспублікі адзначаўся недабор ападкаў, а па поўначы выпала менш за 50% нормы. Па захадзе, паўднёвым захадзе, поўдні і ўсходзе краіны выпала 100-150% нормы ападкаў за месяц.

Адхіленне ( % ) месячнай сумы ападкаў за чэрвень

ад кліматычнай нормы па тэрыторыі Беларусі

Па абласцях больш за ўсё ападкаў адзначана на тэрыторыі Брэсцкай вобласці – у сярэднім па вобласці 86,5 мм або 121% нормы адпаведна. Менш за ўсё – на тэрыторыі Віцебскай вобласці-29,5 мм або 39% нормы, дзе чэрвень заняў другое месца ў ранжыраваным шэрагу назіранняў ад самага засушлівага да самага вільготнага, пачынаючы з 1945 года.

Колькасць ападкаў за чэрвень 2023 года і кліматычная норма

па абласцях і па тэрыторыі Беларусі

На працягу першай і другой дэкад адзначаўся недабор ападкаў: выпала 5,7 і 18,9 мм ападкаў або 31 і 68% дэкаднай нормы адпаведна. У трэцяй дэкадзе выпала 36,8 мм або 142% нормы.

Колькасць ападкаў і кліматычная норма

па дэкадах чэрвеня 2023 года па тэрыторыі Беларусі

Ападкі выпадалі ў выглядзе дажджоў. Паўсюдна назіраліся навальніцы, у асобных раёнах – град дыяметрам да 1 см (Ганцавічы, Мінск), у начныя і ранішнія гадзіны – туманы.

Па ўсёй тэрыторыі краіны адзначалася ўзмацненне хуткасці ветру парывамі да 15 м/с і больш. Максімальная хуткасць ветру за месяц зарэгістраваная на станцыі Касцюковічы 19 чэрвеня (19 м/с).

Пры выкарыстанні інфармацыі спасылка на Белгідрамет абавязковая