Адхіленне сярэдняй тэмпературы паветра красавіка
ад кліматычнай нормы па тэрыторыі Беларусі
Дзённыя тэмпературы большую частку месяца ў асноўным перавышалі 10-градусную адзнаку, а ў найбольш цёплыя суткі днём тэмпература паветра павышалася да +15 +20°С і вышэй. Максімальная тэмпература паветра адзначана на станцыі Лельчыцы 30 красавіка і склала + 22,3°С. Начныя тэмпературы паветра ў асноўным знаходзіліся ў межах ад -5 да + 8°С. Самая нізкая тэмпература паветра за месяц (-5,6°С) зарэгістраваная на станцыі Драгічын 7 красавіка.
На працягу месяца тэмпературны рэжым быў неаднародным. У першай і трэцяй дэкадах сярэдняя тэмпература паветра была на 0,6 і 3,9°С ніжэй за кліматычную норму адпаведна, у другой дэкадзе - на 2,1°С вышэй за норму.
Сярэдняя тэмпература паветра і кліматычная норма
па дэкадах красавіка 2021 года па тэрыторыі Беларусі
За красавік у сярэднім па Беларусі выпала 35,7 мм ападкаў, што склала 92% кліматычнай нормы. Найбольшая сума ападкаў адзначана на тэрыторыі Магілёўскай вобласці – 40,2 мм або 101% нормы, найменшая - на тэрыторыі Гродзенскай вобласці – 29,4 мм або 75% нормы.
Колькасць ападкаў за красавік 2021 года і кліматычная норма
па абласцях і па тэрыторыі Беларусі
На працягу месяца месцамі адзначаліся навальніцы, град, у начныя і ранішнія гадзіны назіраліся туманы. У пачатку месяца па краіне на непрацяглы час утвараўся снежны полаг вышынёй 1-7 см. У асобныя дні месяца месцамі ўзмацняўся вецер парывамі да 15 м/с і больш; максімальная хуткасць ветру адзначана на станцыі Ашмяны 5 і 24 красавіка і склала 20 м/с.
