Сярэдняя па Беларусі тэмпература паветра за люты склала -7,4°C, што ніжэй за кліматычную норму на 3,9°C. Такая і больш нізкая тэмпература паветра ў лютым бывае прыкладна адзін раз у 5 гадоў. А самым халодным за апошнія 80 гадоў быў Люты 1956 года з сярэдняй месячнай тэмпературай паветра -14,9°C.
Адхіленне сярэдняй тэмпературы паветра лютага за перыяд 1991-2026 гг.
ад кліматычнай нормы (-3,5°C)
Адмоўная анамалія тэмпературы паветра распаўсюдзілася па ўсёй тэрыторыі Беларусі, і знаходзілася ў асноўным у межах ад 3,2 да 4,4°C.
У абласным разрэзе найбольшыя адмоўныя адхіленні тэмпературы ад кліматычнай нормы адзначаны ў Віцебскай вобласці (у сярэднім па вобласці 4,3°C), найменшыя – у Брэсцкай вобласці (у сярэднім па вобласці 3,3°C).
Адхіленне (°C) сярэдняй тэмпературы паветра лютага 2026 г.
ад кліматычнай нормы па тэрыторыі Беларусі
Вельмі халоднай была першая дэкада месяца, тэмпература паветра склала ў сярэднім па Беларусі -13,0°C, што на 8,6°C ніжэй за кліматычную норму. Сярэдняя тэмпература паветра ў другой дэкадзе таксама была ніжэйшай за кліматычную норму на 2,7°C. У трэцяй дэкадзе была вышэйшай за норму на 0,7°C.
Сярэдняя тэмпература паветра і Кліматычная норма
па дэкадах лютага 2026 г. па тэрыторыі Беларусі
У дзённыя гадзіны большую частку месяца назіралася марознае надвор'е з тэмпературай -5 -10°C, у асобныя суткі ў пачатку месяца тэмпература паніжалася да -11 -19°C і ніжэй. Разам з тым назіраліся і адліга перыяды, калі тэмпература паветра перавышала нулявую адзнаку, а ў апошні дзень месяца яна павысілася да больш высокіх значэнняў. Максімум дзённай тэмпературы за месяц зарэгістраваны на станцыі Гродна 28 лютага і склаў + 13,5°C.
Начная тэмпература ў большасці сутак месяца знаходзілася ў асноўным у межах -10 -18°C. У асобныя суткі паніжалася да -20 -25°C, месцамі да -30°C. мінімальная тэмпература паветра была зарэгістраваная 2 лютага на станцыі Палеская (-31,1°C).
За месяц у сярэднім па рэспубліцы выпала 24 мм ападкаў, што склала 63% кліматычнай нормы. Так і больш суха ў лютым бывае прыкладна адзін раз у 4-5 гадоў. Самым сухім з'яўляецца Люты 1972 года, калі за месяц выпала
8 мм ападкаў. Па большай частцы тэрыторыі краіны выпала 40-70% нормы ападкаў.
Адхіленне ( % ) месячнай сумы ападкаў за люты 2026 г.
ад кліматычнай нормы па тэрыторыі Беларусі
Па абласцях больш за ўсё ападкаў было адзначана на тэрыторыі Гомельскай вобласці – у сярэднім 32 мм або 83% нормы. Менш за ўсё выпала на тэрыторыі Брэсцкай вобласці 17 мм (49%).
Колькасць ападкаў за люты 2026 г. і Кліматычная норма
па абласцях і па тэрыторыі Беларусі
На працягу ўсіх трох дэкад месяца адзначаўся недабор ападкаў.
Колькасць ападкаў і Кліматычная норма
па дэкадах лютага 2026 г. па тэрыторыі Беларусі
Ападкі выпадалі ў выглядзе снегу, мокрага снегу і дажджу. На працягу ўсяго месяца снежнае покрыва ўтрымлівалася на большай частцы тэрыторыі краіны, за выключэннем крайніх паўднёва-заходніх раёнаў, дзе да сярэдзіны трэцяй дэкады месяца яно разбурылася. Снежнае покрыва па тэрыторыі Рэспублікі залягала нераўнамерна, і на апошні дзень месяца вышыня яго знаходзілася ў межах ад 1 см (Івацэвічы) да 46 см (Касцюковічы, Верхнядзвінск), па крайнім паўднёвым захадзе краіны снежнае покрыва адсутнічала. Максімальная вышыня снежнага покрыва была зафіксавана на станцыі Верхнядзвінск 14-17 лютага і склала 56 см.
На працягу месяца адзначаліся галалёдныя з'явы, у асобныя суткі назіраліся туманы, наліпанне мокрага снегу. На працягу месяца пераважалі слабыя і ўмераныя вятры, месцамі адзначалася ўзмацненне хуткасці ветру парывамі да 15 м/c і больш. Максімальная хуткасць ветру за месяц была адзначана на станцыях Ашмяны 21 лютага і Докшыцы 27 лютага і склала 16 м/с.
© Белгiдрaмет, 2016-2026