У мінулыя суткі поўнасцю ачысціліся ад ледзяных утварэнняў Бярэзіна ў г.Бабруйск, Заходняя Дзвіна ў аг.Ула, яе прыток рака Палата каля в.Янкава і прыток Сожа рака Беседзь каля в.Свеціловічы.

Па стане на 11 сакавіка ледастаў з палонкамі назіраецца на Заходняй Дзвіне каля г.п.Сураж. Забярэгі і забярэгі рэшткавыя адзначаюцца на Сожы ў г.Гомель, прытоках Заходняй Дзвіны рэках Обаль у г.п.Обаль і Дрыса ў в.Дзярновічы. На вадасховішчах Чыгірынскае, Заслаўскае, Вілейскае, Салігорскае, Чырвоная Слабада, азёрах Нарач, Лукомскае, Дрывяты і Чырвонае назіраецца ледастаў з палонкамі і закраінамі, у ледзяным покрыве павялічыліся расколіны, лёд растае на месцы.

На рэках назіраюцца ваганні ўзроўняў вады з інтэнсіўнасцю 1-20 см за суткі.

У найбліжэйшыя дні ўказаны вышэй узроўневы рэжым рэк захаваецца, раставанне лёду на вадаёмах прадоўжыцца, ачысцяцца ад ледзяных утварэнняў прытокі Заходняй Дзвіны і ніжняя плынь Сожа.

Пры выкарыстанні інфармацыі спасылка на Белгідрамет абавязкова