14.06.2024
Агляд гідралагічнай абстаноўкі на 14 чэрвеня 2024 года
У мінулы перыяд (11-13 чэрвеня) выпадзенне ападкаў абумовіла рост узроўняў вады на большасці рэк краіны, у выніку чаго на Бярэзіне ў г.Бабруйск палепшыліся ўмовы для працы рачнога транспарту, на асобных прытоках Нёмана, Дняпра і Прыпяці вада выйшла на пойму.
Па стане на 14 чэрвеня на рэках адзначаюцца ваганні ўзроўняў вады з інтэнсіўнасцю 1-16 см за суткі. Узроўні вады перавышаюць адзнакі выхаду вады на пойму на прытоку Нёмана рацэ Рось у в.Студзянец, на канале Іўня-Бонда ў в.Будка (прыток Дняпра) і прытоку Прыпяці рацэ Случ у в.Клепчаны.
На Нёмане ў г.Гродна, Дняпры ў г.Магілёў і г.Жлобін узроўні вады знаходзяцца ніжэй небяспечных нізкіх адзнак для суднаходства.
Тэмпература вады складае ў рэках ад 14°C да 22°C, у вадаёмах ад 19°C да 22°C.
У найбліжэйшыя дні на рэках ваганні ўзроўняў вады захаваюцца, тэмпература вады істотна не зменіцца.
Пры выкарыстанні інфармацыі спасылка на Белгідрамет абавязкова
© Белгiдрaмет, 2016-2024
