Агляд гідралагічнай абстаноўкі на 14 жніўня 2026 года

Па стане на 14 жніўня на Заходняй Дзвіне ў г.Полацк, Віліі ў г.Вілейка, Сожы ў г.Крычаў і на некаторых іх прытоках адбываецца рост узроўняў вады з сутачнай інтэнсіўнасцю 1-10 см. На астатнім працягу названых вышэй рэк, а таксама на Нёмане, Дняпры, Бярэзіне і Прыпяці назіраецца невялікі (1-3 см за суткі) спад узроўняў вады і роўны іх ход.
Узроўні вады знаходзяцца ніжэй адзнак, якія лімітуюць суднаходства на Заходняй Дзвіне ў г.Віцебск, Нёмане ў г.Гродна, Дняпры ў г.Магілёў, г.Жлобін, г.Рэчыца і г.п.Лоеў, Бярэзіне ў г.Бабруйск і г.Светлагорск, Сожы ў г.Крычаў, г.Слаўгарад і г.Гомель, Прыпяці ў в.Чэрнічы і г.Мазыр. 
На прытоку Нёмана рацэ Рось у в.Студзянец узровень вады перавышае адзнаку выхаду вады на пойму.
Тэмпература вады некалькі панізілася і знаходзіцца ў межах у рэках ад 13°C да 23°C, у вадаёмах – ад 18°C да 21°C.
У бліжэйшыя дні істотных змен ва ўзроўні і тэрмічным рэжымах рэк не чакаецца.

Пры выкарыстанні інфармацыі спасылка на Белгідрамет абавязкова