Агляд гідралагічнай абстаноўкі на 15 кастрычніка 2026 года

Па стане на 15 кастрычніка рост узроўняў вады (да 26 см за суткі) адзначаецца на Віліі, Бярэзіне, Заходняй Дзвіне на ўчастку Полацк –Верхнядзвінск, Нёмане на ўчастку Беліца – Масты, Сожы на ўчастку Крычаў – Слаўгарад, Прыпяці ў г.Пінск і г.Мазыр, а таксама на асобных іх прытоках. На астатнім працягу названых вышэй рэк, а таксама на Дняпры назіраецца невялікі (да 7 см за суткі) спад узроўняў вады і роўны іх ход.
Неспрыяльныя ўмовы для працы рачнога транспарту адзначаюцца на Нёмане ў г.Гродна, Дняпры ў г.Магілёў, г.Жлобін, г.Рэчыца і г.п.Лоеў, Бярэзіне ў г.Бабруйск і г.Светлагорск, Сожы ў г.Крычаў, г.Слаўгарад і г.Гомель, Прыпяці ў в.Чэрнічы і г.Мазыр.
Тэмпература вады ў рэках і вадаёмах некалькі панізілася і складае ад 7,3°С да 12°С.
Да канца гэтага тыдня на рэках будуць назірацца ваганні ўзроўняў вады, тэмпература вады істотна не зменіцца.

Пры выкарыстанні інфармацыі спасылка на Белгідрамет абавязкова