Па стане на 16 снежня амаль паўсюдна на рэках назіраюцца сняжура, забярэгі і шугаход. На Заходняй Дзвіне ў г.п. Сураж, аг.Ула, некаторых яе прытоках, а таксама на асобных прытоках Дняпра, Сожа і Прыпяці назіраецца ледастаў і ледастаў з палонкамі. На вадасховішчы Вілейскае, азёрах Дрывяты і Нарач адзначаюцца сняжура і забярэгі, на вадасховішчах Чыгірынскае, Заслаўскае, Салігорскае, Чырвоная Слабада і возеры Чырвоным назіраецца тонкае ледзяное покрыва. 

У сувязі з ледаўтваральнымі працэсамі на рэках адзначаюцца рэзкія (да 37 см) сутачныя ваганні ўзроўняў вады, абумоўленыя зажорамі лёду. 

У бліжэйшыя дні на рэках будзе адбывацца рост узроўняў вады, на асобных іх участках магчымы выхад вады на пойму. Узмацнення ледаўтваральных працэсаў не чакаецца.

Пры выкарыстанні інфармацыі спасылка на Белгідрамет абавязкова