Па стане на 4 сакавіка ледастаў і ледастаў з палонкамі назіраецца на Бярэзіне, Прыпяці, большым працягу Дняпра, асобных участках Заходняй Дзвіны, Нёмана і Сожа. На вадасховішчах Чыгірынскае, Заслаўскае, Вілейскае, Салігорскае, Чырвоная Слабада, азёрах Нарач, Лукомскае, Дрывяты і Чырвонае назіраецца ледастаў. Структура лёду змяняецца, месцамі лёд пацямнеў, на асобных участках рэк з'явіліся расколіны ў ледзяным покрыве, паўсюдна адзначаецца вада на лёдзе. 

На рэках назіраюцца ваганні ўзроўняў вады з сутачнай інтэнсіўнасцю 1-17 см.

У найбліжэйшыя суткі павольнае раставанне лядовага покрыва працягнецца. На рэках будуць адзначацца ваганні ўзроўняў вады, на Дняпры ля аг.Лоеў узровень вады перавысіць адзнаку выхаду вады на пойму.

Пры выкарыстанні інфармацыі спасылка на Белгідрамет абавязкова