Чаму летні шторм часам фармуецца літаральна за 15-20 хвілін?

Сакрэт вокамгненнага фарміравання летняга канвектыўнага шторму крыецца ў экстрэмальнай няўстойлівасці паветра. 

Улетку ў Беларусі паверхня хутка выграваецца да +25 +30°С. Паветра ў зямлі становіцца гарачым і лёгкім, што стварае каласальную плавучасць.
Прагрэтае паветра пачынае імкліва падымацца ўверх з хуткасцю 5-10 м/с (часам да 30 м/с). Сустракаючы на вышыні халоднае паветра, яно хутка астывае і кандэнсуецца (пар ператвараецца ў кропелькі вады), і пачынаецца фарміраванне кучава-дажджавой воблачнасці. Менавіта гэтая кандэнсацыя вылучае ўтоеную энергію (цеплыню), якая яшчэ мацней падагравае паветра знізу. Узнікае станоўчая зваротная сувязь: чым вышэй яно падымаецца, тым хутчэй пашыраецца і цягне за сабой новыя порцыі вільгаці.
За 15-20 хвілін нагрэтае паветра паспявае прамчацца ад зямлі да стратасферы (больш за 11 км). Як толькі яно дабіраецца да верхняй мяжы, струмень паветра ўжо не можа падымацца далей, расцякаецца ў бакі, і фармуецца «кавадла» канвектыўнага воблока. Пік яго магутнасці прыпадае менавіта на гэты момант.
Такія агмені настолькі малыя (шырынёй 5-15 км), што лікавыя мадэлі іх не бачаць. Сіноптыкі з лёгкасцю могуць спрагназаваць, што калі ёсць высокая верагоднасць развіцця магутных кучава-дажджавых аблокаў, а такім чынам, і ўтварэння спадарожных неспрыяльных і небяспечных гідраметэаралагічных з'яў (навальніц, шквалаў, моцных ліўняў, граду), але дакладны час і месца іх утварэння вызначаюць па метэаралагічным радары ў рэжыме рэальнага часу – за 20-40 хвілін.

Пры выкарыстанні інфармацыі спасылка на Белгідрамет абавязкова