12.10.2018
Агляд аграметэаралагічнай сітуацыі на 12 кастрычніка 2018 года
Развіццё азімых культур на асноўных масівах праходзіць ва ўмовах добрай вільгацезабяспечанасці. Па выніках інструментальнага вызначэння вільготнасці глебы на большай тэрыторыі Беларусі ў ворным пласце ўтрымліваецца дастатковая колькасць прадуктыўнай вільгаці. З-за істотнага недабору ападкаў у мінулай дэкадзе ў паўднёвай частцы краіны адбылося памяншэнне вільгаці ў глебе. На значнай частцы тэрыторыі Брэсцкай, месцамі ў Гомельскай і на поўдні Гродзенскай вобласці запасы плённай вільгаці ў ворным гарызонце паніжаныя. На такіх участках пагоршыліся аграметэаралагічныя ўмовы для росту і развіцця азімых культур. На паўднёвым усходзе Віцебскай вобласці захоўваюцца павышаныя запасы вільгаці. Па апошніх дадзеных на большасці назіраемых палёў у азімых збожжавых культур адзначаюцца ўсходы і 3-й ліст, кушчэнне назіраецца на палях, засеяных да 10 верасня. На кастрычніцкіх пасевах ідзе прарастанне збожжа. Візуальныя ацэнкі стану азімых культур у асноўным добрыя.
У другой дэкадзе кастрычніка з-за дэфіцыту ападкаў можа адбыцца далейшае памяншэнне ўтрымання вільгаці ў глебе, асабліва ў паўднёвай частцы рэспублікі. Тэмпературны рэжым чакаецца цалкам здавальняючы для росту і развіцця азімых культур. З-за перавагі сухога надвор'я ў другой дэкадзе кастрычніка ўмовы для правядзення ўборачных работ будуць спрыяльнымі.
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання