06.08.2024
Кліматычная характарыстыка ліпеня 2024 года
Сярэдняя па Беларусі тэмпература паветра за ліпень 2024 года склала +21,0°С, што вышэй за кліматычную норму на 2,1°С. Ліпень бягучага года заняў 8 месца ў ранжыраваным шэрагу назіранняў ад самага цёплага да самага халоднага, пачынаючы з 1881 года.
Адхіленне сярэдняй тэмпературы паветра ліпеня за перыяд 1991-2024 гадоў
ад кліматычнай нормы (+18,9°C)
Па ўсёй тэрыторыі краіны адзначалася станоўчая анамалія тэмпературы паветра, якая знаходзілася ў асноўным у межах ад 1,5 да 2,5°С.
У абласным разрэзе найбольшыя значэнні станоўчых адхіленняў тэмпературы паветра ад кліматычнай нормы адзначаны ў Магілёўскай і Гомельскай абласцях (+2,4°С), у Віцебскай вобласці адхіленні былі найменшымі (+1,7°С).
Адхіленне (°С) сярэдняй тэмпературы паветра ліпеня
ад кліматычнай нормы па тэрыторыі Беларусі
Сярэдняя тэмпература паветра першых двух дэкад месяца была вышэй за норму, трэцяя дэкада па тэмпературным рэжыме была блізкая да нормы. Вельмі цёплай выдалася другая дэкада са станоўчай анамаліяй 4,2°С.
Сярэдняя тэмпература паветра і Кліматычная норма
па дэкадах ліпеня 2024 года па тэрыторыі Беларусі
Тэмпература паветра днём на працягу месяца ў асноўным складала +25 +30°С, а ў самыя цёплыя суткі падымалася да + 35°С і больш. Да канца месяца тэмпература апускалася да +17 +22°С.максімальнага значэння (+37,9°С) тэмпература паветра дасягнула 13 ліпеня на станцыі Жыткавічы. У ліпені 2024 года на шэрагу станцый абноўленыя значэнні абсалютнага максімуму тэмпературы паветра, перавысіўшы папярэднія на 0,1-2,4°С.
Тэмпература паветра ўначы ў асноўным знаходзілася ў межах + 13 +19°С, у самыя халодныя ночы паніжалася да +8 +12°С.у асобныя суткі месцамі па краіне былі зарэгістраваныя трапічныя ночы (мінімальная тэмпература паветра за ноч складала + 20°С і больш). Мінімальная тэмпература паветра адзначана на станцыі Палеская 6 ліпеня і склала + 6,6°С.
За месяц у сярэднім па рэспубліцы выпала 110 мм ападкаў, што склала 123% кліматычнай нормы. Па тэрыторыі краіны ападкі распаўсюджваліся нераўнамерна. Па большай частцы рэспублікі назіраўся лішак ападкаў. Адзначалася павелічэнне аб'ёму ападкаў з паўднёвага ўсходу на паўночны захад ад 50-80% да 200-220% кліматычнай нормы адпаведна. На станцыі Мінск быў абноўлены гістарычны сутачны максімум сумы ападкаў.
Адхіленне (%) месячнай сумы ападкаў за ліпень
ад кліматычнай нормы па тэрыторыі Беларусі
Па абласцях больш за ўсё ападкаў адзначана на тэрыторыі Віцебскай вобласці – у сярэднім па вобласці 130 мм або 151% нормы. Менш за ўсё – на тэрыторыі Гомельскай вобласці – 82 мм або 84% нормы.
Колькасць ападкаў за ліпень 2024 года і Кліматычная норма
па абласцях і па тэрыторыі Беларусі
На працягу першай і трэцяй дэкад месяца адзначалася залішняе ўвільгатненне, другая дэкада па колькасці ападкаў была блізкая да нормы.
Колькасць ападкаў і Кліматычная норма
па дэкадах ліпеня 2024 года па тэрыторыі Беларусі
На працягу месяца па тэрыторыі краіны назіраліся туманы, навальніцы, адзначалася выпадзенне граду, месцамі дасягнула крытэра небяспечнай гідраметэаралагічнай з'явы (20 мм і больш). 14 ліпеня на ГП Лапаціна (Пінскі р-н) быў адзначаны град дыяметрам 25 мм. Дажджы ў асноўным насілі ліўневы характар, месцамі дасягалі крытэра небяспечнай з'явы: вельмі моцны дождж да 61 мм (Сянно) і вельмі моцны лівень да 47 мм (Касцюковічы). 18 ліпеня ў Мiнску на аўтаматычнай метэаралагічнай станцыі (Праспект Незалежнасці,110) выпала рэкордная сутачная колькасць ападкаў – 88 мм, папярэдні рэкорд тут адзначаўся ў жніўні 2005 года і склаў 77,5 мм.
Па ўсёй тэрыторыі краіны адзначалася ўзмацненне хуткасці ветру парывамі да 15 м/с і больш, месцамі дасягнула крытэра небяспечнай гідраметэаралагічнай з'явы (25 м/с і больш). Максімальная хуткасць ветру за месяц адзначана на станцыях Гомель 14 ліпеня і Касцюковічы 18 ліпеня (29 м/с).
Пры выкарыстанні інфармацыі спасылка на Белгідрамет абавязкова
Спецыялізаваныя сайты
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Мінская абласная арганізацыя Беларускага прафсаюза работнікаў лесу і прыродакарыстання
Афіцыйныя геральдычныя сімвалы Рэспублікі Беларусь