Міністэрства прыродных рэсурсаў і аховы навакольнага асяроддзя Рэспублікі Беларусь Дзяржаўная ўстанова "Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя" БЕЛГIДРAМЕТ
Галоўная / Інфармацыя / Iнфармацыя кліматолага
06.06.2022

Кліматычная характарыстыка мая 2022 года

Сярэдняя па Беларусі тэмпература паветра за май 2022 года склала 11,6°С, што ніжэй за кліматычную норму на 1,8°С. Апошні вясновы месяц бягучага года заняў 17 месца ў ранжыраваным шэрагу назіранняў ад найбольш халоднага да найбольш цёплага, пачынаючы з 1945 года. А апошні раз май з роўнай альбо больш нізкай тэмпературай паветра адзначаўся ў 2020 годзе.

Адхіленне сярэдняй тэмпературы паветра мая за перыяд 1991-2022 гг.
ад кліматычнай нормы (13,4°С)

Па ўсёй частцы тэрыторыі краіны адзначалася адмоўная анамалія тэмпературы паветра, якая знаходзілася ў асноўным у межах ад -1,0 да -2,5°С. найбольшая адмоўнае адхіленне ад нормы адзначана на паўночным усходзе краіны на станцыі Езярышча (-3,0°С). Найменшую – на паўднёва-захадзе на станцыі Брэст (-0,7°С).
У абласным разрэзе найменшыя значэнні адмоўных адхіленняў тэмпературы паветра ад кліматычнай нормы адзначаны ў Брэсцкай вобласці (-1,3ºС), у Мінскай і Магілёўскай абласцях адхіленні былі найбольшымі (-2,1 ºС).

Адхіленне (°С) сярэдняй тэмпературы паветра траўня
ад кліматычнай нормы па тэрыторыі Беларусі

Сярэдняя тэмпература паветра ўсіх трох дэкад была ніжэй за норму. Асабліва халоднай выдалася трэцяя дэкада з адмоўнай анамаліяй -2,5°С адпаведна.
Сярэдняя тэмпература паветра і кліматычная норма
па дэкадах мая 2022 года па тэрыторыі Беларусі

Тэмпература паветра днём на працягу месяца ў асноўным складала + 10 + 20°С, а ў самыя цёплыя суткі падымалася да +21 +28°С. максімальнага значэння (+29,7°С) тэмпература паветра дасягнула 12 мая на станцыі Лельчыцы.
Тэмпература паветра ноччу на працягу месяца знаходзілася ў асноўным у межах 0 + 13°С, а ў самыя халодныя ночы пераважна ў першай дэкадзе месяца ў асобных раёнах апускалася да адмоўных значэнняў. Мінімальная тэмпература паветра адзначана на станцыях Езярышча і Бярэзінскі запаведнік 5 мая і склала -4,3°С.
За месяц у сярэднім па рэспубліцы выпала 62 мм ападкаў, што склала 98% кліматычнай нормы. Па тэрыторыі краіны ўмовы ўвільгатнення былі неаднастайныя: па большай частцы выпала 75-135% нормы. Па паўднёвым захадзе колькасць ападкаў была найменшай і знаходзілася ў межах 47-70% нормы.

Адхіленне ( % ) месячнай сумы ападкаў за травень
ад кліматычнай нормы па тэрыторыі Беларусі

Па абласцях больш за ўсё ападкаў адзначана на тэрыторыі Гродзенскай вобласці – у сярэднім па вобласці 75,1 мм або 115% нормы. Менш за ўсё - на тэрыторыі Брэсцкай вобласці – 38,8 мм або 61% нормы.
Колькасць ападкаў за травень 2022 года і кліматычная норма
па абласцях і па тэрыторыі Беларусі

Значны дэфіцыт ападкаў адзначаўся ў першай дэкадзе (4,0 мм або 23% нормы), для другой дэкады таксама быў характэрны недахоп ўвільгатнення (выпала 13,4 мм або 63% нормы). Трэцяя дэкада была вельмі вільготнай (адзначана 44,7 мм або 182% нормы).
Колькасць ападкаў і кліматычная норма
па дэкадах мая 2022 года па тэрыторыі Беларусі

Ападкі выпадалі ў выглядзе дажджоў. Паўсюдна назіраліся навальніцы, у асобных раёнах-град, у начныя і ранішнія гадзіны – туманы.
Па ўсёй тэрыторыі краіны адзначалася ўзмацненне хуткасці ветру парывамі да 15 м/с і больш, месцамі якое дасягнула крытэра небяспечнай гідраметэаралагічнай з'явы (25 м/с і больш). Максімальная хуткасць ветру за месяц зарэгістраваная на станцыі Клічаў 12 мая (31 м/с).
 

Спецыялізаваныя сайты і сайты Філіялаў