БЕЛГIДРAМЕТ

Ru Be En

Галоўная / Інфармацыя / Iнфармацыя кліматолага

06.06.2023

Кліматычная характарыстыка вясны 2023 года

Сярэдняя тэмпература паветра вясновага сезона 2023 года склала + 8,2°C, што на 0,9°C вышэй за кліматычную норму. Мінулы вясновы сезон заняў 17 месца ў ранжыраваным шэрагу назіранняў ад самага цёплага да самага халоднага сезона, пачынаючы з 1881 года.

Адхіленне сярэдняй месячнай тэмпературы паветра вясновага сезону

ад кліматычнай нормы (+7,3°C) па Рэспубліцы Беларусь

Па большай частцы тэрыторыі краіны адзначалася станоўчая анамалія сезоннай тэмпературы паветра, якая знаходзілася ў межах ад +0,1 да +2,0°С.

Адхіленне (°С) сярэдняй тэмпературы паветра вясновага сезону

ад кліматычнай нормы па тэрыторыі Беларусі

У сярэднім па тэрыторыі ўсіх абласцей адзначалася станоўчая анамалія велічынёй ад +0,5°С у Брэсцкай вобласці да + 1,1°С у Магілёўскай.

Тэмпературны рэжым вясновага сезону быў неаднародным: сярэдняя тэмпература сакавіка і красавіка была вышэйшай за норму (на +1,9 і + 1,0°C адпаведна). Май быў халодным з адмоўнай анамаліяй роўнай -0,4°С.

Сярэдняя тэмпература паветра і кліматычная норма па месяцах

вясновага сезона 2023 года па Рэспубліцы Беларусь

Ўстойлівы пераход сярэднясутачнай тэмпературы паветра праз 0°C у бок павышэння (заканчэнне зімы-пачатак вясны ў кліматалогіі) адбыўся па захадзе і паўднёвым захадзе краіны 9-14 студзеня, на паўтара месяца раней звычайных тэрмінаў. Па поўдні і крайнім паўднёвым усходзе краіны - у другой-трэцяй дэкадах лютага на тыдзень-два раней. Па астатняй тэрыторыі краіны - 11-14 сакавіка-у сярэднім на тыдзень пазней сярэдніх шматгадовых значэнняў, і толькі па паўночным усходзе і ўсходзе краіны-у тэрміны, блізкія да звычайных.

Сярэдняя па Беларусі тэмпература паветра за сакавік 2023 года склала +2,7°С, што вышэй за кліматычную норму на 1,9°С. Максімальнага значэння тэмпература паветра дасягнула 24 сакавіка на станцыях Лельчыцы і Брагін і склала +19,2°С. Мінімальная тэмпература паветра адзначана на станцыі Езярышча 10 сакавіка і склала -23,7°С (самая нізкая тэмпература паветра за сезон).

Сярэдняя па Беларусі тэмпература паветра за красавік 2023 года склала +8,8°С, што вышэй за кліматычную норму на 1,0°С. максімальнага значэння тэмпература паветра дасягнула 26 красавіка на станцыі Магілёў і склала +22,1°С. Мінімальная тэмпература паветра адзначана на станцыі Драгічын 5 красавіка і склала -6,2°С.

Ўстойлівы пераход праз 5°С у бок павышэння (пачатак вегетацыйнага перыяду) ажыццявіўся па паўднёвай палове краіны 19-22 сакавіка на 2-3 тыдні раней нармальных тэрмінаў. Па астатняй тэрыторыі краіны-5-6 красавіка-у тэрміны, блізкія да сярэдніх шматгадовых.

Сярэдняя па Беларусі тэмпература паветра за май 2023 года склала +13,0°С, што ніжэй за кліматычную норму на -0,4°С. Максімальнага значэння (+28,9°С) тэмпература паветра дасягнула 26 мая на станцыі Лельчыцы (самая высокая тэмпература паветра за сезон). Мінімальная тэмпература паветра адзначана на станцыі Езярышча 7 мая і склала -5,9°C, перавысіўшы гістарычны мінімум тэмпературы паветра ў маі для дадзенага пункта назірання.

Ўстойлівы пераход праз 10°C у бок павышэння (пачатак перыяду актыўнай вегетацыі) ажыццявіўся па паўднёвай палове краіны 17-19 красавіка на тыдзень раней за норму, па астатняй тэрыторыі – 9-12 мая на адзін-два тыдні пазней.

За вясну ў сярэднім па краіне выпала 120,7 мм ападкаў, што складае 86% кліматычнай нормы за сезон. Па большай частцы тэрыторыі краіны адзначаўся недабор ападкаў-выпала менш за норму ападкаў за сезон. Месцамі па поўначы, усходзе, поўдні і крайнім захадзе краіны сума ападкаў за тры вясновыя месяцы перавысіла норму.

Адхіленне ( % ) месячнай сумы ападкаў за вясновы сезон

ад кліматычнай нормы па тэрыторыі Беларусі

У абласным разрэзе найбольшая колькасць ападкаў адзначана на тэрыторыі Магілёўскай вобласці (125,4 мм або 92% нормы сезона). Найменшае – у Гродзенскай вобласці-112,2 мм або 78% нормы.

Колькасць ападкаў за вясну 2023 года і кліматычная норма

па абласцях і тэрыторыі Беларусі

На працягу вясны на тэрыторыі Беларусі ападкі выпадалі нераўнамерна.

Залішняе ўвільгатненне адзначалася ў сакавіку (выпала 184% нормы). Сакавік 2023 года заняў 3 месца ў ранжыраваным шэрагу назіранняў ад самага вільготнага да самага сухога, пачынаючы з 1945 года. На станцыях Езярышча, Віцебск, Лепель, Сянно, Касцюковічы і Мазыр быў перавышаны гістарычны максімум сумы ападкаў за месяц. На асобных пунктах назірання па тэрыторыі Віцебскай, Мінскай, Магілёўскай і Гомельскай абласцей былі ўстаноўлены новыя рэкордныя значэнні сутачных максімумаў ападкаў.

У красавіку ў сярэднім па рэспубліцы выпала 39,3 мм ападкаў, што склала 102% кліматычнай нормы.

Істотны недабор ападкаў назіраўся ў траўні - 11,9 мм або 19% нормы. Май 2023 года стаў самым засушлівым, пачынаючы з 1945 года. Папярэдні рэкорд быў адзначаны ў 1971 годзе (26 мм). Па большай частцы тэрыторыі краіны былі перавышаныя гістарычныя мінімумы сум ападкаў за месяц.

Колькасць ападкаў і кліматычная норма

па месяцах вясны 2023 года

Увесну ападкі выпадалі пераважна ў выглядзе дажджу, у пачатку сезона таксама адзначаліся змешаныя і цвёрдыя ападкі.

У сакавіку, на працягу месяца, снежнае покрыва неаднаразова ўсталёўваўся на непрацяглы час і разбураўся. Вышыня снежнага покрыва на апошні дзень месяца знаходзілася ў межах ад 0,1 см (Мазыр, Жыткавічы, Слуцк) да 21 см (Езярышча). Па захадзе, поўдні, месцамі ў цэнтральнай частцы і па ўсходзе краіны снежнае покрыва адсутнічала. У першай дэкадзе красавіка снежнае покрыва канчаткова разбурылася.

На працягу вясны адзначаліся туманы, навальніцы і град, галалёд, у пачатку сезона-завеі, паўсюдна адзначалася ўзмацненне хуткасці ветру парываміда 15 м/с і больш. Максімальная хуткасць ветру за сезон зарэгістраваная 4 сакавіка на станцыі Ашмяны і склала 22 м/с.

Пры выкарыстанні інфармацыі спасылка на Белгідрамет абавязковая