Агляд гідралагічнай абстаноўкі на 17 красавіка 2024 года

Па стане на 17 красавіка рост узроўняў вады з інтэнсіўнасцю 1-24 см за суткі назіраецца на Заходняй Дзвіне ў аг. Ула, Дняпры на ўчастку Магілёў – Лоеў і яго прытоку іўня-Будка. На астатнім працягу названых вышэй рэк, а таксама на Нёмане, Віліі, Бярэзіне, Сожы і Прыпяці адзначаецца спад (да 8 см за суткі) узроўняў вады і роўны іх ход.

Вада знаходзіцца на пойме на большасці рэк басейнаў Дняпра, Сожа і Прыпяці, а таксама на асобных участках рэк басейна Нёмана.

На Прыпяці ў г.Петрыкаў ўзровень вады перавышае небяспечную высокую адзнаку на 23 см, тут адзначаецца роўны ход ўзроўню вады.

Па дадзеных МНС адзначаюцца затапленні прыбярэжных тэрыторый у шэрагу раёнаў Гомельскай вобласці і ў асобных раёнах Брэсцкай вобласці.

Тэмпература вады панізілася і складае ў рэках ад 5,8°C да 14°C, у вадаёмах ад 7,3°C да 11°C.

У найбліжэйшыя дні істотных змен ва ўзроўневым рэжыме рэк не чакаецца, тэмпература вады панізіцца.

Спецыялізаваныя сайты

Iнфармацыйныя iнтэрнэт-парталы

Iнтэрнэт-партал Прэзiдэнта Рэспублiкi Беларусь Міністэрства прыродных рэсурсаў і аховы навакольнага асяроддзя Рэспублікі Беларусь Бiяметрычныя дакументы Рэспублікі Беларусь Нацыянальны прававы Інтэрнэт-партал Рэспублікі Беларусь Нацыянальны цэнтр інтэлектуальнай уласнасці Беларускі прафсаюз работнікаў лесу і прыродакарыстання Афіцыйныя геральдычныя сімвалы Рэспублікі Беларусь Мінская абласная арганізацыя Беларускага прафсаюза работнікаў лесу і прыродакарыстання