БЕЛГIДРAМЕТ

Ru Be En

Галоўная / Інфармацыя / Iнфармацыя гідролага

29.02.2024

Агляд гідралагічнай абстаноўкі на 29 лютага 2024 года

У мінулыя суткі выявіўся прыток Заходняй Дзвіны рака Палота ў в.Янкова, ачысціліся ад ледзяных утварэнняў Заходняя Дзвіна ў г.Верхнядзвінск, прыток Дняпра рака Друць у в.Гарадзішча і прыток Прыпяці рака Пціч у в.Дараганава.

Па стане на 29 лютага ледастаў і ледастаў з закраінамі назіраецца на Заходняй Дзвіне ў г.п.Сураж, в.Ула, яе прытоку рацэ Дрыса, Сожы ў г.Крычаў і яго прытоку рацэ Беседзь. На вадасховішчах Чыгірынскае, Заслаўскае, Вілейскае, Чырвоная Слабада, азёрах Нарач, Лукомскае, Дрывяты і чырвонае, ледастаў, ледастаў з палонкамі і закраінамі, лёд адносіць ад берага, выходзіць на лёд нельга.

На рэках назіраецца рост узроўняў вады з інтэнсіўнасцю 1-46 см за суткі і роўны іх ход. На большасці рэк вада знаходзіцца на пойме.

Ўзроўні вады перавышаюць небяспечныя высокія адзнакі на Прыпяці ў в.Чэрнічы, г. Петрыкаў, яе прытоках рэках Пціч у в.Першая Слабодка, Случ у аг.Ленін, Цна ў аг. Дзятлавічы, на прытоку Нёмана рацэ Шчара каля г.Слонім, прытоку Дняпра рацэ Друць каля в.Гарадзішча і прытоку Сожа рацэ Проня каля в.Ляцягі.

Ўзроўні вады блізкія да небяспечных адзнак на Прыпяці ў г.Мазыр, да яе дасягнення засталося 7 см, тут назіраецца спад ўзроўню вады з інтэнсіўнасцю 3 см за суткі і яе прытоку рацэ Уборць у в.Краснобярэжжа, да яе дасягнення засталося 12 см, тут назіраецца спад ўзроўню вады з інтэнсіўнасцю 2 см за суткі.

Па дадзеных МНС адзначаюцца затапленні прыбярэжных тэрыторый у большасці раёнаў Гомельскай і Магілёўскай абласцей, асобных раёнах Брэсцкай, Гродзенскай, Мінскай і Віцебскай абласцей.

У найбліжэйшыя дні на рэках будзе назірацца рост узроўняў вады. Раставанне лёду і ачышчэнне рэк ад ледзяных утварэнняў працягнуцца, ускрыюцца Заходняя Дзвіна ў в.Ула і яе прыток рака Дрыса ў в.Дзярновічы.