БЕЛГIДРAМЕТ

Ru Be En

Галоўная / Інфармацыя / Iнфармацыя гідролага

09.03.2026

Агляд гідралагічнай абстаноўкі на 9 сакавіка 2026 года

У мінулы перыяд (7-8 сакавіка) выявіліся і часткова ачысціліся ад ледзяных утварэнняў Прыпяць на ўчастку Пінск – Чэрнічы, большасць яе прытокаў, асобныя прытокі Нёмана, Заходняга Буга, Бярэзіны, Дняпра і Сожа. Вада выйшла на пойму на прытоку Дняпра канале Ивня-Бонда у В. Будка, прытоках Прыпяці рэках Стыр у В.Лапаціна і Случ у аг.Ленін.

Па стане на 9 сакавіка на рэках басейна Заходняй Дзвіны, на Дняпры, Бярэзіне, Сожы, большым працягу Нёмана, Віліі і Прыпяці, а таксама на асобных іх прытоках назіраецца ледастаў і ледастаў з палонкамі, адзначаецца вада на лёдзе, месцамі лёд падняло.

На вадасховішчах Вілейскае, Чыгірынскае, Салігорскае, Заслаўскае, Чырвоная Слабада, азёрах Нарач, Дрывяты, Чырвонае і Лукомскае назіраецца ледастаў, у ледзяным покрыве месцамі адзначаюцца палонкі і вада на лёдзе. Выходзіць на лёд небяспечна.

На рэках краіны працягваецца рост узроўняў вады вясновай паводкі з інтэнсіўнасцю 1-15 см за суткі.

Вада знаходзіцца на пойме на Нёмане ў аг.Беліца, Віліі ў аг.Сцешыцы, на прытоку Дняпра канале Іўня-Бонда ў В. Будка, прытоках Прыпяці рэках Стыр у В.Лапаціна, Случ у аг. Ленін і Пціч у В.Першая Слабодка. Ўзроўні вады блізкія да адзнак выхаду вады на пойму на Бярэзіне ў г.Беразіно, яе прытоку рацэ Свіслач у В. Церабуты і прытоку Прыпяці рацэ Убарць у В. Краснабярэжжа.

У бліжэйшыя дні рост узроўняў вады на рэках захаваецца, на прытоку Бярэзіны рацэ Свіслач у В.Церабуты і прытоку Прыпяці рацэ Убарць у В. Краснабярэжжа ўзроўні вады перавысяць адзнакі выхаду вады на пойму. Раставанне лёду на рэках і вадаёмах працягнецца.