03.02.2023
Інфармацыя аб гідраметэаралагічнай абстаноўцы ў басейнах рэк Рэспублікі Беларусь, якая склалася ў студзені 2023 года
Сярэдняя па Беларусі тэмпература паветра за студзень 2023 года склала -0,7°С, што вышэй за кліматычную норму на 3,4°С. Сярэдняя тэмпература паветра ў трох дэкадаў месяца была вышэй за норму. Асабліва цёплай была трэцяя дэкада са станоўчай анамаліяй раўнай + 4,2°С.
За месяц у сярэднім па рэспубліцы выпала 155% кліматычнай нормы ападкаў, але па тэрыторыі краіны яны распаўсюджваліся нераўнамерна. Павелічэнне аб'ёму ападкаў адзначалася з паўднёвага ўсходу на захад і паўночны захад ад 60-100% да 200% і больш кліматычнай нормы адпаведна. Па асобных пунктах назірання былі перавышаны гістарычныя месячныя максімумы ападкаў. Па абласцях больш за ўсё ападкаў адзначана на тэрыторыі Віцебскай вобласці 177% нормы, менш за ўсё – на тэрыторыі Гомельскай вобласці 90% нормы. На працягу месяца ападкі выпадалі нераўнамерна. У першай і другой дэкадах адзначалася залішняе ўвільгатненне (выпала 158 і 244% нормы ападкаў адпаведна), у трэцяй дэкадзе адзначаўся недабор ападкаў (74% нормы). Ападкі выпадалі ў выглядзе снегу, мокрага снегу і дажджу.
Па дадзеных снегамерной здымкі 31 студзеня, вышыня снежнага покрыва на большай частцы тэрыторыі басейнаў рэк складала 1-11 см, з запасам вады ў ім да 28 мм, у басейнах Заходняй Дзвіны і Віліі да 20 см, з запасам вады ў ім да 34 мм, месцамі ў басейнах Нёмана, Прыпяці і Заходняга Буга снег адсутнічаў.
Ледастаў з палонкамі назіраўся на асобных участках рэк у басейнах Заходняй Дзвіны, Дняпра, Бярэзіны і Сожа. Ледзяныя ўтварэнні адсутнічалі практычна цалкам на Нёмане, Віліі, Прыпяці і прытоках Заходняга Буга.
У першых двух дэкадах студзеня на рэках краіны назіраліся значныя ўздымы ўзроўняў вады, абумоўленыя станоўчымі тэмпературамі паветра і выпадзеннем значнай колькасцю ападкаў. У трэцяй дэкадзе месяца гідралагічная сітуацыя палепшылася і на рэках адзначаліся ваганні ўзроўняў вады з тэндэнцыяй да іх паніжэння. На большасці рэк вада знаходзілася на пойме. Узроўні вады перавысілі небяспечныя высокія адзнакі на прытоку Дняпра ракі Друць каля в.Гарадзішча, Бярэзіне ля г.Бабруйск, прытоку Сожа рацэ Проня ў в.Ляцягі, Прыпяці ў г.Петрыкаў і яе прытоках рэках Случ у аг.Ленін і Пціч у в.Слабодка.
Значэнні максімальных узроўняў вады ў студзені перавысілі шматгадовыя максімумы для гэтага месяца на Дняпры, Бярэзіне, Сожы, асобных участках Заходняй Дзвіны і Віліі, а таксама на некаторых іх прытоках.
Пры выкарыстанні інфармацыі спасылка на Белгідрамет абавязкова
Спецыялізаваныя сайты і сайты Філіялаў
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Афіцыйныя геральдычныя сімвалы Рэспублікі Беларусь
Мінская абласная арганізацыя Беларускага прафсаюза работнікаў лесу і прыродакарыстання