03.04.2024
Інфармацыя аб гідраметэаралагічнай абстаноўцы ў басейнах рэк Рэспублікі Беларусь, якая склалася ў сакавіку 2024 года
Сярэдняя па Беларусі тэмпература паветра за сакавік склала + 4,1°С, што вышэй за кліматычную норму на 3,3°С. Станоўчая анамалія тэмпературы паветра распаўсюдзілася па ўсёй тэрыторыі краіны і знаходзілася ў асноўным у межах ад 3 да 4°С. У абласным разрэзе найбольшыя станоўчыя адхіленні тэмпературы паветра ад кліматычнай нормы адзначаны ў Віцебскай вобласці (3,5°С), найменшыя – у Гомельскай вобласці (3,1°С). Сярэдняя тэмпература паветра трох дэкад месяца была вышэйшай за норму. Асабліва цёплай была апошняя дэкада са станоўчай анамаліяй роўнай 5,1°С.
За месяц у сярэднім па рэспубліцы выпала 22 мм ападкаў, што склала 59% кліматычнай нормы. Сакавік 2024 года ўвайшоў у дваццатку самых засушлівых, пачынаючы з 1945 года. Па абласцях больш за ўсё ападкаў было адзначана на тэрыторыі Гомельскай вобласці – у сярэднім 29 мм або 72% нормы. Менш за ўсё – на тэрыторыі Магілёўскай вобласці - 18 мм або 48% нормы. На працягу першых двух дэкад месяца адзначаўся дэфіцыт ападкаў, у апошняй дэкадзе колькасць ападкаў была блізка да нормы.
У першай палове сакавіка на большасці рэк скончылася фарміраванне максімумаў вясновай паводкі, іх значэнні апынуліся ў асноўным блізкімі да сярэдніх шматгадовым, а ў басейнах Сожа і Прыпяці вышэй іх.
У другой палове месяца працягвалася фарміраванне максімумаў у басейне Заходняй Дзвіны, у вярхоўях Дняпра і Сожа, тут адзначаўся ў асноўным рост узроўняў вады, на астатніх рэках адбываўся спад узроўняў вады. Глыбіня затаплення пойменных зямель паступова памяншалася, узроўні вады апускаліся ніжэй небяспечных высокіх адзнак.
Да канца месяца ўзроўні вады яшчэ перавышалі небяспечныя высокія адзнакі толькі на Прыпяці ў в.Чэрнічы і г.Петрыкаў. На большасці рэк басейнаў Дняпра, Сожа і Прыпяці, а таксама на асобных участках рэк басейнаў Нёмана і Бярэзіны вада знаходзілася на пойме.
Воднасць Нёмана і Віліі блізкі да нормы, астатніх рэк - значна вышэй.
Пры выкарыстанні інфармацыі спасылка на Белгідрамет абавязкова
Спецыялізаваныя сайты
Iнфармацыйныя iнтэрнэт-парталы
Iнтэрнэт-партал Прэзiдэнта Рэспублiкi Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Бiяметрычныя дакументы Рэспублікі Беларусь
Нацыянальны прававы Інтэрнэт-партал Рэспублікі Беларусь
Нацыянальны цэнтр інтэлектуальнай уласнасці
Беларускі прафсаюз работнікаў лесу і прыродакарыстання
Мінская абласная арганізацыя Беларускага прафсаюза работнікаў лесу і прыродакарыстання
Афіцыйныя геральдычныя сімвалы Рэспублікі Беларусь