БЕЛГIДРAМЕТ

Ru Be En

Галоўная / Інфармацыя / Iнфармацыя кліматолага

04.09.2023

Кліматычная характарыстыка жнівеня 2023 года

Сярэдняя па Беларусі тэмпература паветра за жнівень 2023 года склала +20,7°С, што вышэй за кліматычную норму на 2,7°С. Бягучы месяц заняў 2 месца ў ранжыраваным шэрагу назіранняў ад самага цёплага да самага халоднага, пачынаючы з 1945 года.

Адхіленне сярэдняй тэмпературы паветра жніўня за перыяд 1991-2023 гг. ад кліматычнай нормы (+18,0°С)

Станоўчая анамалія тэмпературы паветра распаўсюдзілася па ўсёй тэрыторыі краіны і знаходзілася ў асноўным у межах ад 2,0 да 3,0°С. Найменшыя станоўчыя анамаліі адзначаны па крайняй поўначы краіны і склалі 2,0°С і менш.

У абласным разрэзе найбольшыя значэнні станоўчых адхіленняў тэмпературы паветра ад кліматычнай нормы адзначаны ў Гомельскай вобласці (у сярэднім па вобласці +2,8°С), у Брэсцкай вобласці адхіленні былі найменшымі (+2,5°С).

Адхіленне (°С) сярэдняй тэмпературы паветра жніўня

ад кліматычнай нормы па тэрыторыі Беларусі

Сярэдняя тэмпература паветра ўсіх трох дэкад была вышэйшай за норму. Вельмі гарачымі выдаліся другая і трэцяя дэкады з станоўчай анамаліяй 3,6 і 3,7°С адпаведна.

Сярэдняя тэмпература паветра і Кліматычная норма

па дэкадах жніўня 2023 г. па тэрыторыі Беларусі

Тэмпература паветра днём на працягу месяца ў асноўным складала + 20 +29°C, а ў самыя цёплыя суткі падымалася да + 30°C і больш. Максімальнага значэння (+34,5°C) тэмпература паветра дасягнула 6 жніўня на станцыі Лельчыцы.

Тэмпература паветра ўначы ў асноўным знаходзілася ў межах + 10 +20°C, а ў самыя халодныя ночы ў канцы першай дэкады месцамі апускалася да +7 +9°C. У асобныя суткі на многіх станцыях былі зарэгістраваныя трапічныя ночы (мінімальная тэмпература паветра за ноч складала + 20°C і больш). Мінімальная тэмпература паветра адзначана на станцыі Бярэзінскі запаведнік 9 жніўня і склала + 5,9°С.

За месяц у сярэднім па рэспубліцы выпала 81,5 мм ападкаў, што склала 128% кліматычнай нормы. Па ўсёй тэрыторыі краіны, за выключэннем асобных пунктаў назірання, адзначаўся лішак ападкаў: выпала ад 100 да 200% нормы.

Адхіленне ( % ) месячнай сумы ападкаў за жнівень

ад кліматычнай нормы па тэрыторыі Беларусі

Па абласцях больш за ўсё ападкаў адзначана на тэрыторыі Віцебскай вобласці – у сярэднім па вобласці 113,7 мм або 159% нормы. Менш за ўсё – на тэрыторыі Магілёўскай вобласці-63,9 мм або 104% нормы.

Колькасць ападкаў за жнівень 2023 г. і Кліматычная норма па абласцях і па тэрыторыі Беларусі

На працягу першай і трэцяй дэкадах адзначаўся лішак ападкаў: выпала 44,4 і 25 мм ападкаў або 208 і 108% дэкаднай нормы адпаведна. У другой дэкадзе адзначаўся недабор ападкаў выпала 12,1 мм або 63% нормы.

Колькасць ападкаў і кліматычная норма

па дэкадах жніўня 2023 г. па тэрыторыі Беларусі

Ападкі выпадалі ў выглядзе дажджоў. Паўсюдна назіраліся навальніцы, у асобных раёнах – град, дыяметрам да 18 мм (Магілёў), у начныя і ранішнія гадзіны – туманы. Адзначалася ўзмацненне хуткасці ветру парывамі да 15 м/с і больш, месцамі дасягнула крытэра небяспечнай гідраметэаралагічнай з'явы (25 м/с і больш). Максімальная хуткасць ветру зарэгістраваная 20 жніўня на станцыі Драгічын (27 м/с) і 7 жніўня на АМСГ Орша (36 м/с).

Пры выкарыстанні інфармацыі спасылка на Белгідрамет абавязкова