Афганскае рэха ў Белгідрамеце: памяць і ўрокі
10 лютага 2026 года ў дзяржаўнай установе «Рэспубліканскі цэнтр па гідраметэаралогіі, кантролю радыёактыўнага забруджвання і маніторынгу навакольнага асяроддзя» адбыўся круглы стол «Афганістан у лёсах нашых землякоў».
Сваімі ўспамінамі з моладдзю Белгідрамета падзяліўся непасрэдны ўдзельнік баявых дзеянняў у Афганістане, супрацоўнік Белгідрамета Навічкоў Эдуард Мікалаевіч.
37 гадоў таму, 15 лютага 1989 года, з Афганістана выводзілася адна з самых баяздольных армій свету, якая прайшла амаль дзесяць гадоў баёў з добра навучанымі маджахедамі і наймітамі з больш чым трыццаці краін. Гэты дзень стаў Днём воінаў-інтэрнацыяналістаў — усіх, хто прымаў удзел у баявых дзеяннях на тэрыторыях іншых дзяржаў. Гэтая дата пачатку вываду савецкіх войскаў з Афганістана дорага ўсім, каго апаліла дыханне вайны ў мірны час. Гэта дзень памяці не толькі для тых, хто ваяваў у Афганістане, але і для ўсіх воінаў-інтэрнацыяналістаў АКСВА (абмежаваны кантынгент савецкіх войскаў у Афганістане), якія ўдзельнічалі ва ўрэгуляванні ваенных канфліктаў.
Праз вайну ў Афганістане прайшлі 28 832 грамадзяніна Беларусі. 771 загінуў, больш за паўтары тысячы атрымалі раненні, 12 лічацца прапаўшымі без вестак.
Эдуард Мікалаевіч распавёў пра нягоды тых часоў, адзначыўшы, што воіны-афганцы з гонарам выканалі свой грамадзянскі абавязак.
"Мы абавязаны памятаць пра тых нашых сучаснікаў, якія прайшлі вогненныя вёрсты вайны ў мірны, здавалася б, час, якія жывуць сярод нас сёння, і пра тых, каго няма», — падкрэсліў ён.
Звяртаючыся да моладзі, Эдуард Мікалаевіч заклікаў не забываць пра салдата, яго вернасці вайсковай прысязе, гонару і мужнасці, уменні ў самых складаных сітуацыях праявіць сябе годным прадаўжальнікам баявых традыцый бацькоў і дзядоў.
"Кожная вайна-гэта трагедыя для народа. Мы павінны атрымаць з яе ўрок, памятаць, якой цаной абышлася нам вайна ў Афганістане", – сказаў на заканчэнне ён
Мерапрыемства суправаджалася прэзентацыяй з фотаздымкамі тых далёкіх падзей.
Афганская вайна пакінула глыбокі след у гісторыі, нагадваючы аб неабходнасці захавання памяці аб гонару, вернасці прысязе і стойкасці салдат.
Спецыялізаваныя сайты
Iнфармацыйныя iнтэрнэт-парталы
Дзяржаўныя сімвалы Рэспублікі Беларусь
Нацыянальны прававы Інтэрнэт-партал Рэспублікі Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Aфiцыйны iнтэрнэт-партал Прэзiдэнта Рэспублiкi Беларусь
Партал рэйтынгавай ацэнкі якасці аказання паслуг арганізацыямі Рэспублікі Беларусь
Міждзяржаўны савет па гідраметэаралогіі СНД (МСГ СНД)
Інфармацыйна-аналітычны партал Саюзнай дзяржавы
Камітэт Саюзнай дзяржавы па гідраметэаралогіі і маніторынгу забруджвання прыроднага асяроддзя
Інтэрнэт-партал "Моладзь Беларусі"